Моноспектакльдегі мөлтек сыр

Бикен Римова атындағы акаде­миялық драма театры бұл жолы көрерменін поэзия әлеміне жетелеген ерекше кештің куәсі етті. Қазақтың мұзбалақ ақыны М.Мақатаевтың 95 жыл­дығына орай «Мұқағали» атты моноспектакль сахналанып, руханиятты сағынған жұртшылыққа әсерлі тарту жасалды.

Суретті түсірген – Жұмабай МҰСАБЕК

Айтулы кеш ақын рухына тағзым етіп қана қоймай, поэзияның сахнадағы өмір­шеңдігін тағы бір дәлелдеді. Сұлтан Сраиыловтың шығар­машылық идеясы негізінде дүниеге келген бұл жоба – дәстүрлі спектакльден гөрі поэтикалық сырласу форматына жақын. Қойылым режиссері Ұлан Ахметов, композиторы Тұрсынжан Шапай. Ал басты бейнені Қазақстанның еңбек сіңірген қайраткері Сафуан Рысбайұлы сомдап, көрерменді ақынның жан дүниесімен жүздестірді. Сахнада оған Дархан Дүйсенов, Күнекей Мұхтархан, Ариза Асқарова, Қарақат Шындәулет және Әсем Мұратова серік болды.

«Мұқағали» моноспектаклі – өмір­баян­дық баяндау емес, бұл – ақынның жан әлеміне үңілуге жасалған көркем талпыныс. Біздің мақсат – көрерменге дерек айту емес, сезім сыйлау болды. Мұқағали поэзиясы – тұнып тұрған эмоция, ішкі дауыс, адам жанының арпалысы. Сахналық шешімдерді барынша ықшам ұстап, сөз бен үнсіздіктің қуатына сүйендік. Себебі Мұқағалиды артық қимылмен емес, жүрекпен оқу керек. Бұл қойылым – ақын­мен сырласу, көрерменді де сол сырласуға шақыру», дейді қо­йы­лым режиссері Ұлан Ахметов.

Моноспектакльде сөз, үн­­сіз­дік және ішкі эмоция үндесіп, Мұқағалидың махаббатқа, тағдырға, уақыт пен жалғыз­дыққа қатысты терең тол­ға­ныстары поэзия тілімен өрілді. Қойылымның ықшам пішіні көркемдік қуатты әлсіретпей, керісінше, әр сөздің салмағын арттыра түскен. Небәрі қырық бес минутқа сыйған сахналық шешім көрерменді бір сәтке де бейжай қалдырмады.

Қазақстанның еңбек сіңірген қайраткері Сайлау Қамиев поэтикалық жанрдың қазақ болмысына жақындығын атап өтіп, актердің Мұқағали поэзия­сын сахнада «тірілте» білгенін жоғары бағалады. Оның айтуын­ша, қысқа да нұсқа қойылым жүрекке жол табатын әсерімен құнды.

Басты рөлді сомдаған Са­фуан Рысбайұлы бұл жұмысты ақын жан дүниесімен сырласу деп сипаттайды. «Мұқағали – сарқылмайтын әлем. Бір кіта­бының өзінде адам өміріне қа­тысты барлық тақырып бар. Біз сол терең мұхиттың бір ғана там­шысын ұсындық», дейді актер.

Кеш соңында жұртшылық әртістерге тік тұрып қошемет көрсетті.

Жетісу облысы 

Соңғы жаңалықтар

Петропавлда хабар-ошарсыз кеткен 18 жастағы жігіттің мәйіті орманнан табылды

Оқиға • Кеше

Ертең еліміздің бірқатар өңірінде түман түсіп, боран соғады

Ауа райы • Кеше

Актер, режиссер Балтабай Сейітмамытұлы өмірден өтті

Оқиға • Кеше

Жүрсін Ерман: Жаңа конституция – елдің, халықтың үміті  

Ата заң • Кеше

Мемлекеттік кеңесші: жаңа Конституция – ұлттық мүддені көздейді

Ата заң • Кеше

Аида Балаева: Конституциялық реформалар қоғамды жан-жақты жаңғыртудың берік негізін қалыптастырады

Қоғам • Кеше

Үнзила Шапақ: Конституция мен халықаралық құқықтың арақатынасын белгілеу – еліміздің тұтас құқықтық жүйесінің іргетасын нығайтады

Ата заң • Кеше

Премьер-министр Alatau City туралы: Қаланы дамытудың негізгі принциптері жаңа Конституция жобасына енгізілді

Үкімет • Кеше

Эльвира Азимова: Конституция стратегиялық қағидаттарды бекітеді

Ата заң • Кеше

Артур Ластаев: Жаңа Конституцияда адамның барлық құқықтары мен бостандықтары сақталған

Ата заң • Кеше

Конституциялық реформаға көзқарас: Қоғамның пікірі қандай?

Ата заң • Кеше

Франция Қазақстанның атом-энергетикалық жобаларына қалай қолдау көрсетеді?

Энергетика • Кеше

Мемлекет басшысын Исламабад әуежайында Президент Асиф Али Зардари қарсы алды

Президент • Кеше

Мұрат Әбенов: Егемендік пен халықаралық құқықтың теңгерімі сақталған

Ата заң • Кеше

«Бұрын-соңды болмаған мүмкіндік»: Саясаттанушы Халық кеңесі арқылы саясатқа келу шегінің төмендеуі туралы айтты

Ата заң • Кеше

Барлық жаңалықтар