Отбасымыздың бір бөлігі еді... : Әли Оқапов жақын досынан айырылғанын жеткізді

Әнші Әли Оқапов досынан айырылып қалғанын айтты, – деп жазды Aikyn.kz.

Өнер иесі бұл туралы әлеуметтік желідегі парақшасында жазды.

"Біздің жақын досымыз, Мото-бауырымыз, бұл дүниеден өткенін қайғыра хабарлаймыз. Ол кең жүректі, адал дос әрі отбасымыздың бір бөлігі болған еді. Ол кеткен жолы жарық болсын. Жақындарына және оны танитын барлық жанға көңіл айтамыз. Иә, түсірілім басталардың дәл алдында осы жаңалықты естідім. Менде мұндай бұрын да болған. Өткен жылы «Жұлдызды жүн» жобасының алғашқы түсірілім күні. Таңертең жақын досыңнан айырылып, бір сағаттан кейін кадрда күліп, әзілдеп тұрасың. Себебі бұл — сенің жұмысың. Алайда таңертең бетімнің ісіп тұрғаны мазалап, бұл туралы әзілдеп те жүрген едім. Ал қазір жай ғана ұйықтағым келеді. Өйткені ертең жаңа күн басталады, әрі қарай жүгіріп, жұмыс істеу керек. Ешқашан адамның теледидардан немесе осында, әлеуметтік желіден көрген кейпіне қарап сынамаңыздар. Себебі адамның ішінде шын мәнінде не болып жатқанын ешкім білмейді. Өмір", - деп жазды әнші.

Сараптама, зерттеу мақала, күнделікті өзекті ақпаратты «Айқынның»  TELEGRAM   арнасынан табасыз.