Қайрат Сатыбалдыұлының ұлына тиесілі Байсат базары Алматы әкімдігіне берілуі мүмкін

Алматыдағы бұрын Қайрат Сатыбалдыұлының ұлы Бауыржан Нұрсұлтанға тиесілі болған танымал "Байсат" базары қала әкімдігі меншігіне берілуі мүмкін. Бұл туралы Мемлекеттік мүлік және жекешелендіру комитетінің төрағасы Нұрмахан Әділбеков мәлімдеді, - деп хабарлайды Tengrinews.kz.

Алматыдағы бұрын Қайрат Сатыбалдыұлының ұлы Бауыржан Нұрсұлтанға тиесілі болған танымал "Байсат" базары қала әкімдігі меншігіне берілуі мүмкін. Бұл туралы Мемлекеттік мүлік және жекешелендіру комитетінің төрағасы Нұрмахан Әділбеков мәлімдеді, - деп хабарлайды Tengrinews.kz.

Тәркіленген "Байсат" базарын бір жылдан аса уақыт бойы сату мүмкін болмай отыр. Нұрмахан Әділбековтың сөзінше, базардың өтпеуіне инвесторлардың қаржысының жоқтығы мен қызығушылықтың төмендігі себеп болуы ықтимал.

"Егер сатылмаса, Алматы әкімдігінің коммуналдық меншігіне беру мәселесін қарастыруға болады деп ойлаймын", - деді ол ОКҚ брифингінде.

Алғаш рет базар 2025 жылдың қыркүйегінде 28,6 миллиард теңгеге саудаға шығарылды. Бірақ бірде-бір өтінім түспегендіктен, аукцион өтпеді.

Екінші әрекет 2025 жылдың аяғында жасалды: бағасы шамамен екі миллиард теңгеге - 26 миллиардқа дейін төмендетілді, бірақ ол кезде де сатып алушылар табылмады.

2026 жылдың қаңтарында Қайтарылған активтерді басқару компаниясы (ҚАБК) "Байсатты" максималды жеңілдікпен - 24,7 миллиард теңгеге сататынын жариялады.

"Үшінші аукционның бастапқы бағасы алғашқы құнынан барынша төмендетілді, бұл қазіргі сауданы әлеуетті инвесторлар үшін өте тиімді етеді. Бұл активті максималды жеңілдікпен тиімді сатып алудың бірегей мүмкіндігі", - деп хабарлады Мемлекеттік мүлікті есепке алу орталығында (ММЕО).

Алайда ол жолы да сатып алушы табылмады. Кейін активті төртінші мәрте, бірақ бұл жолы жеңілдіксіз 28 миллиард теңгеге сатуға тырысты. Бұл сауда да өткен жоқ.

ҚАЗІР ТАЛҚЫЛАНЫП ЖАТЫР

Бозымбаев Шэньчжэнь мэрімен инновациялық қалаларды дамыту тәжірибесін талқылады

09 маусым 13:18 1

6 миллиард доллар инвестиция: Alatau City бойынша Шэньчжэньдегі келіссөздер қорытындысы

10 маусым 13:32 2

Google News арқылы жаңалықтарымызды қадағалаңыз