Қазақ қызы Сербияда белгісіз жағдайда көз жұмды

Фото: tiktok/homeart_mebelart

Сыртқы істер министрлігі бойжеткеннің қайтыс болғанын растады. Ведомство марқұмның жақындарына көңіл айтып, жағдайдың министрліктің бақылауында екенін мәлімдеді.

«Қаза тапқан азаматтың туған-туыстары мен жақындарына қайғыра көңіл айтамыз. Қазақстанның Сербиядағы елшілігі жергілікті құзырлы органдармен бірлесіп, оқиғаның барлық мән-жайын анықтау жұмыстарын жүргізіп жатыр. Дипломаттар марқұмның отбасымен тұрақты байланыста болып, қажетті консулдық-құқықтық көмек көрсетуде. Министрлік бұл жағдайды бақылауда ұстап отыр», деді СІМ-нің ресми өкілі Ерлан Жетібаев.

Министрлік АҚШ-та жоғалған Қазақстан азаматының қаза тапқанын растады

Еске сала кетейік, бұған дейін Италияның оңтүстігіндегі Вибо-Валентия провинциясынан қазақ студентінің мәйіті табылған болатын.