Қазақстанда 15,9 млн тонна жемшөп дайындалды

Жемшөп қорын қалыптастыру жұмыстары Ауыл шаруашылығы министрлігі мен облыс әкімдіктері бірлесіп бекіткен 2026–2027 жылдардағы малды қыстатуға дайындық жұмыстарына сәйкес жүргізілуде. Жоспарға байланысты 25,7 млн тонна пішен, 2,3 млн тонна пішендеме, 2,8 млн тонна сүрлем, 4,8 млн тонна сабан және 5,7 млн тонна құнарлы жем дайындау көзделген.

Жемшөп қорын нығайтудағы маңызды бағыттардың бірі – мал азықтық дақылдардың егіс алқаптарын кеңейту. Биыл олардың жалпы көлемі 3,32 млн гектардан асып, өткен жылмен салыстырғанда 243 мың гектарға ұлғайды.

Биыл мал шаруашылығын дамытуға 300 млрд теңге бағытталды

Сонымен қатар егістік жерлердегі мал азықтық дақылдардың үлесі 14%-ға дейін артты. Бұл мал шаруашылығын қажетті көлемдегі жемшөппен қамтамасыз етуге қосымша мүмкіндік береді.
Ауыл шаруашылығы министрлігі жемшөп дайындау науқанының барысына тұрақты мониторинг жүргізуде.

Мал шаруашылығы: Жеңілдетілген несие неше пайызбен беріледі?

Жедел штаб отырыстарында жемшөп дайындау қарқыны, өңірлердегі жұмысты үйлестіру, ауыл шаруашылығы тауарын өндірушілерді қажетті ресурстармен қамтамасыз ету және жоспарлы көрсеткіштердің орындалуы тұрақты түрде қаралып келеді.

Мал шаруашылығында өсім бар

Межелі іс-шараларды толық іске асыру алдағы қысқы кезеңде мал шаруашылығы саласының жемшөпке деген қажеттілігін толық қамтамасыз етіп, жеткілікті қор қалыптастырады.