​ ҚазМұнайГаз компаниясында жаңа тағайындау болды

Қуаныш Кескінбаев «ҚазМұнайГаз» ҰК АҚ мұнай және мұнай өнімдерінің маркетингі департаментінің директоры болып тағайындалды. Бұған дейін бұл қызметті Айбек Нұрбеков атқарған.

Жаңа қызметке дейін Кескінбаев 2021 жылдан бері KMG Kashagan B.V. компаниясында коммерциялық мәселелер жөніндегі бас директордың орынбасары болған.

Еңбек жолын ол «Қазақойл Ақтөбе» ЖШС‑де бастаған. 

2005–2011 жылдары мұнай өткізу бөлімінің жетекші маманы болып жұмыс істеді. 2011–2021 жылдары KMG Kashagan B.V. компаниясында бас менеджер және тасымалдау мен маркетинг департаментінің директоры қызметтерін атқарды.

Кескінбаев Тұрар Рысқұлов атындағы Қазақ экономикалық университетін «Бухгалтерлік есеп және аудит» мамандығы бойынша тәмамдаған. 

Кейін Халықаралық бизнес академиясында MBA дәрежесін алып, Қаныш Сәтбаев атындағы ҚазҰТУ‑да мұнай‑газ ісін оқыған.

Бүгін, 13:38