QazaqGaz компаниясында жаңа орынбасарлар тағайындалды

Жанболат Мирманов пен Асылжан Дәулетов «QazaqGaz» ұлттық компаниясы» АҚ басқарма төрағасының орынбасарлары болып тағайындалды.

Жанболат Мирманов енді компанияның экономика және қаржы саласына жауапты болады. 

Ол КИМЭП университетін және Атырау мұнай және газ институтын тәмамдаған.

Мансап жолында:
- Deloitte LLP компаниясында аға аудитор,
- «Қаражанбасмұнай» АҚ мен «ТенизСервис» ЖШС-де қаржы директоры,
- «Қазкоммерцбанк» АҚ-да басқарушы директор,
- «Fincraft» инвестициялық үйінде басқарма төрағасының орынбасары,
- «Amanat» сақтандыру компаниясында қаржылық бақылаушы қызметтерін атқарған.

2024 жылдың наурызынан бастап — «Қарашығанақ Петролеум Оперейтинг» ЖШС-нің экономика және қаржы жөніндегі бас директордың орынбасары.

Асылжан Дәулетов геологиялық барлау саласына жетекшілік етеді. 

Ол Атырау мұнай және газ институтын және Лондондағы Империялық колледжді (мұнай-газ геоғылымы) бітірген. Геологиялық ғылымдар магистрі.

Еңбек жолында:
- Schlumberger компаниясында ГИС бойынша аға дала маманы,
- НКПОК B.V. компаниясында ұңғымаларды аяқтау және жөндеу инженері,
- «N Operating Company» ЖШС-де аға геолог,
- «Сәтпаев Оперейтинг» ЖШС-де бас геолог,
- 2018 жылдан бері — «KMG Engineering» ЖШС-де геологиялық барлау жөніндегі бас директордың орынбасары.

Бүгін, 13:33