Қырғызстан Дүниежүзілік көшпенділер ойындарына арнайы мәртебе белгілемек

Тиісті заң жобасын Қырғызстан Республикасының Мәдениет, ақпарат және жастар саясаты министрлігі әзірлеп, қоғамдық талқылауға ұсынылды.

Елдің қолданыстағы заңнамасы мәдениет, спорт және материалдық емес мұра мәселелерін үзінді түрде реттейтіні және Қырғыз Республикасының көшпелі өркениеттер мұрасын сақтау және дамыту орталығы ретіндегі арнайы халықаралық мәртебесін бекітетін ережелерді қамтымайтыны атап өтілді.

Заң жобасын қабылдау: 

* Қырғызстанның Дүниежүзілік көшпенділер ойындарының рухани және үйлестіруші орталығы ретіндегі мәртебесін заңды түрде бекітеді, бұл Ойындардың атауын, рәміздерін және әдіснамасын қорғауды қамтамасыз етуі тиіс; 

* осы саладағы салалық заңдар мен ережелерді әзірлеу үшін тұрақты құқықтық негіз жасайды; 

* Қырғызстанның Ойындарға айрықша құқықтарын қамтамасыз етеді;

* Ойындарды өткізу құқығын халықаралық келісімдер негізінде басқа елдерге беру, сонымен бірге Ойындардың иесі ретінде Қырғызстанға құқықтық және ұйымдастырушылық бақылауды сақтауға мүмкіндік береді. 

Бастамашылар Ойындарды екі жыл сайын тұрақты негізде, ұйымдастырушы елдермен кезектесіп өткізуді ұсынды.

Заң жобасында Ойындарды ұйымдастырушы елге қарамастан жағдаят басқарудан стандарттарға сәйкестікті қамтамасыз ететін жүйелі және тұрақты модельге көшу көзделген.

Еске салсақ, VI Дүниежүзілік көшпенділер ойындары Қырғызстанда 2026 жылғы 31 тамыз бен 6 қыркүйек аралығында өтеді. 

Осыған дейін Қырғызстанда өтетін көшпенділер ойыны тізіміне қазақтың көкпары енгенін жаздық. 

Сондай-ақ Дүниежүзілік көшпенділер ойынына дайындықтың алғашқы жоспары бекітілгенін хабарладық.