Қытайдағы жер сілкінісі Қырғызстанда сезілді

Қырғыз Республикасы ҰҒА Сейсмология институтының алдын ала мәліметіне сәйкес, жер сілкінісінің ошағы Қытай аумағында, Бедел ауылынан оңтүстік-шығысқа қарай 40 шақырым, Құмтор кенішінен оңтүстік-шығысқа қарай 85 шақырым және Қаракөлден оңтүстікке қарай 145 шақырым жерде жатыр. 

Беделде жер сілкінісінің қарқыны 4,5 балл, Құмтор кенішінде 4 балл, Қаракөлде – 3 және Бішкекте 2,5 балды құрады.

Бұған дейін Қытайдың солтүстік-батысында жер сілкінгенін хабарлаған болатынбыз. 

Еске салайық, Алматыда бүгін, 4 желтоқсанда жер сілкінді. 

Жерасты дүмпуінің ошағы Алматыдан оңтүстік-шығысқа қарай 277 шақырым қашықтықта, Қытай аумағында жатыр. Алматыда дүмпулер MSK-64 шкаласы бойынша 3 балл деңгейінде сезілді.

Алматы төтенше жағдайлар департаменті өкілдері қалада тіркелген жер сілкінісіне қатысты түсінік берді.