​Сайлаушылар тізіміне 12,6 миллионнан астам қазақстандық енгізілді

Құрылтай депутаттарын сайлауда сайлаушылар тізіміне 12 605 788 қазақстандық енгізілді. Сайлау 2026 жылғы 23 тамызда өтеді, деп хабарлады Орталық сайлау комиссиясы.

7 тамыздан бастап азаматтар тізімдегі өз деректерін тексере алады. Егер мәліметтер жоқ болса немесе қате кездессе, сайлаушы учаскелік комиссияға жүгінуге құқылы. Өтініш түскен күні қаралуы тиіс.

Ел бойынша 10 400-ден астам сайлау учаскесі өз жұмысын бастады. Сайлауға ұйымдастыруға 71 мыңға жуық адамы бар 10 600-ден астам комиссия тартылады.

Сайлауға тіркелген азаматтардың санына сәйкес 1% резервпен 12 731 847 бюллетень дайындалады. Бюллетень екі жақты, көк түсті және А4 форматында болады. Онда жеті саяси партия мен «Бәріне қарсымын» жолы көрсетіледі.

Сайлау күні басқа елді мекенде болатын қазақстандықтар есептен шығару куәлігін ала алады. Оны беру 7 тамызда басталып, 22 тамыз күні сағат 18:00-де аяқталады. Өтінішті жеке өзі немесе нотариатта куәландыруды талап етпейтін сенімхат бойынша өкіл арқылы беруге болады.

Бұл ретте, бір елді мекеннің шегіндегі басқа учаскеде дауыс беру үшін есептен шығару куәлігі берілмейді. Құжат жоғалған жағдайда оны қалпына келтіру немесе телнұсқасын алу мүмкін емес.

5 106 учаскеде комиссиялар сайлаушылардың тіркеуін тексеруге арналған онлайн-сервиске қол жеткізеді. Сайлау күні тіркеуі жоқ азаматтарға учаске мекенжайы бойынша уақытша тіркеу рәсімделуі мүмкін.

3 тамыздағы жағдай бойынша ОСК 251 шетелдік және халықаралық бақылаушыны тіркеді. Елдің барлық 20 өңіріндегі сайлау учаскелерінің дайындығы 4–17 тамыз аралығында инспекциялық сапарлар барысында тексеріледі, делінген Орталық сайлау комиссиясының хабарламасында.

Кеше, 18:12