Шетелдегі 14 мыңнан астам қазақстандық референдумда дауыс береді

Оның айтуынша, шетелде дауыс беруге тіркелген қазақстандықтардың жалпы саны — 14 380 адам.

— Әскери-саяси жағдайдың шектелуіне және кейбір елдерде азаматтар санының аз болуына байланысты он мемлекеттегі 11 учаске ашылмайды. Шетелдегі референдум учаскелерінде дауыс беру Астана уақытымен таңғы сағат 03:00–де Токио мен Сеул қалаларында басталды.

Сағат 09:00–ге дейін 34 учаске ашылып, онда 350 азамат дауыс берді. Ең соңғы ашылып, жабылатын референдум учаскесі АҚШ-тың Сан-Франциско қаласында орналасқан. Бұл учаске Астана уақытымен бүгін сағат 19:00–де ашылып, 16 наурыз күні таңғы 08:00–де жабылады, — деді Сыртқы істер министрінің орынбасары.

Сонымен қатар, Арман Исетов 14–16 наурыз аралығында Астана және Алматы қалаларында халықаралық байқаушы мен шетелдік БАҚ өкілдеріне қолдау көрсету орталықтары жұмыс істейтінін айтты.

— 15–16 наурыз күндері Орталық алаңдарында халықаралық бақылаушылар мен шет мемлекеттерден келген өзге де байқаушылардың қатысуымен 15 брифинг өткізу жоспарланып отыр, — деді ол.

Айта кетейік, Ұлттық олимпиада комитетінің президенті Геннадий Головкин Таиландта дауыс берді.