Референдумда 492 мыңнан астам қызылордалық дауыс бере алады

Ол алдымен С. Ысқақов атындағы оқу ғимаратында орналасқан № 207, Т.Есетов атындағы мектеп ғимаратында орналасқан № 264 учаскелердің жұмысымен танысып, жабдықталуын бақылады. Комиссия мүшелеріне референдум процесі ашық әрі әрбір азаматқа қолжетімді болуы керегін, мүгедектігі бар дауыс берушілердің құқығын сақтау маңызды екенін ескертті.

№ 207 учаскеде 2617, ал № 264 учаскеде 2052 дауыс беруші тіркелген. Жалпы, Сыр өңірінде 492 524 азамат тізімге енген. 9 аумақтық, 378 учаскелік комиссия бар болса, оның 2705 мүшесі бар.

Мұхтар Ерман құқық қорғау органдарының, облыстық мекемелердің басшыларымен, Қызылорда қаласы мен аудандардағы аумақтық референдум комиссияларының төрағаларымен кездесті.

Жиында дауыс берушілерге референдум өтетін күн мен уақыты белгіленген шақыру қағаздарын әрбір азаматқа жеткізу, учаскелерді жабдықтау және мүгедектігі бар азаматтарға қолайлы жағдай жасау бағыттары қозғалды.

Комиссия мүшелерінің біліктілігін арттыру үшін көпшелі семинар-тренинг ұйымдастырылды. Алғашқы кезеңде 1190 адам оқыса, қалған комиссия мүшелері каскад әдісімен білімдерін жетілдіреді.

Бұған дейін Қазақстанның Бельгиядағы елшілігінде Еуроодақтың негізгі институттарының өкілдері, ресми және сарапшы өкілдердің қатысуымен Қазақстанның жаңа Конституциясының жобасы мен алдағы референдумды талқылау өткен болатын.