Шығын 2 млрд теңгеден асады: Қарағандыда кәсіпорын темір рудасын заңсыз өндірген

АСТАНА, 3 ақпан – Sputnik. Қарағанды облысының мамандандырылған табиғат қорғау прокуратурасы қадағалау қызметі барысында пайдалы қазбаларды заңсыз өндіру фактілерін анықтады, деп хабарлады бас прокуратура.

Осы фактілер бойынша Қарағанды облысының арнайы прокурорлары сотқа дейінгі тергеп-тексеру амалын жүргізді.

"Аудан кәсіпорындардың бірі төрт жыл бойы темір рудасын лицензиясыз заңсыз өндіріп, оны шетелге шығарғаны анықталды", - деп жазылған хабарламада.

Нәтижесінде мемлекетке 2 млрд теңгеден астам шығын келтірілген.

Үш күдікті қамауға алынып, 500 млн теңгеден астам мүлікке тыйым салынды.

Қылмыстық іс сотқа жіберілді.