Шымкент тұрғыны шетелдікті зорлады деген күдікке ілінді

АЛМАТЫ, 28 шілде – Sputnik. Шымкент қаласының тұрғыны шетел азаматына қатысты зорлық жасады деген күдікке ілінді, деп хабарлайды Sputnik Қазақстан тілшісі.

Бұл туралы ақпарат әлеуметтік желіде тарады. Ондағы мәліметке сәйкес, жәбірленуші қорғасын-мырыш өндірісіне инвестиция салу мақсатында келген төрт Қытай азаматын Бәйдібек ауданына алып барған. Іскерлік кездесуден кейін күдікті азамат оны көлігімен жеткізіп салуды ұсынған. Алайда жолда елсіз жерге апарып, зорлық жасаған.

Бұл ақпаратқа қатысты полиция ресми түсініктеме берді.

"Күдікті ретінде Шымкент қаласының тұрғыны анықталып, қамауға алынды. Қазіргі уақытта тергеу амалдары жүргізіліп жатыр", – деп хабарлады Түркістан облысының полиция департаменті.