Украина бойынша келіссөздердің екінші кезеңі бірнеше күнге кейінге қалдырылды

АСТАНА, 1 ақпан – Sputnik. Ресей, АҚШ және Украина өкілдерінің Әбу-Дабидегі жаңа саммиті бірнеше күнге кейінге қалдырылды, деп хабарлайды РИА Новости New York Times басылымына сілтеме жасап.

"Осы апта соңында Флоридада ресейлік және америкалық келіссөз жүргізушілердің күтпеген кездесуінен кейін Украинадағы қақтығысты тоқтату бойынша үшжақты келіссөздердің екінші кезеңі бірнеше күнге кейінге қалдырылды", - деп хабарлайды басылым.

Владимир Зеленскийдің айтуынша, қақтығысты реттеу бойынша келесі талқылау 4-5 ақпанда Әбу-Дабиде өтеді деп жоспарланған.

Бір күн бұрын Кирилл Дмитриев Майамиде АҚШ әкімшілігінің мүшелерімен келіссөздер жүргізді. Ол келіссөзді сындарлы және өнімді деп атады.

Алдыңғы аптада Әбу-Дабиде қауіпсіздік мәселелері бойынша үшжақты жұмыс тобының бірінші отырысы өтті, оған Мәскеу, Киев және Вашингтон өкілдері қатысты. Тараптар АҚШ бейбітшілік жоспарындағы шешілмеген мәселелерді жабық есік артында талқылады. Бастапқыда жаңа кездесу 1 ақпанға жоспарланған болатын.