Жол ортасындағы автожуу орны Қостанайдан түсірілген ерекше видео желіде тарап кетті

Қостанайлықтар коммуналдық апатты пайдаланып, жер астынан атқылаған суға көліктерін тегін жуып алды, деп хабарлайды Tengrinews.kz тілшісі.

Қостанайлықтар коммуналдық апатты пайдаланып, жер астынан атқылаған суға көліктерін тегін жуып алды, деп хабарлайды Tengrinews.kz тілшісі.

8 мамырда Қостанай тұрғындары ерекше коммуналдық апаттың куәсі болды. Чкалов көшесіндегі жолдың қақ ортасынан су атқылады. Кейбіреулер болған жайтты видеоға түсіріп жатқанда, басқалары жағдайды пайдаланып қалуды ұйғарып, көліктерін атқылап аққан суға айдап әкеліп, көлік жуу орнын жасап алды.

Instagram-дағы бұл жарияланымды көру

Қостанай (@ilovekostanayy) жарияланымы

Instagram-дағы бұл жарияланымды көру

Қостанай (@ilovekostanayy) жарияланымы

Көліктердің ерекше "душқа" кіріп жатқаны түсірілген кадрлар әлеуметтік желілерде тез тарап кетті.

ҚАЗІР ТАЛҚЫЛАНЫП ЖАТЫР

Медалін шешуді ұмытып кеткен қазақстандық спортшы әуежайда қызық жағдайға тап болды

29 сәуір 08:10 1

Қазақстанның Ибраһим келісімдеріне ресми түрде қосылу рәсімі Астанада өтуі мүмкін

27 сәуір 20:44 1

Министр Қазақстандағы курьерлер мен такси жүргізушілері үшін алаңдатарлық болжам айтты

27 сәуір 18:41 1

Instagram-дағы бұл жарияланымды көру

«Біздің Қостанай» газетінің (@nashkostanay) жарияланымы

Әкімдік мәліметінше, магистральды жылу желілерін гидравликалық сынақтан өткізу кезінде диаметрі 500 миллиметрлік жылу магистралінен ақау анықталған. Салдарынан жылу камерасының люгі арқылы іште қалған суық су сыртқа шыққан.

"Гидравликалық сынақ жылыту маусымына дайындықтың міндетті кезеңі саналады және жылу желілерінің зақымдануға бейім осал тұстарын анықтау үшін арнайы жүргізіледі. Егер қалыпты режимде жылумен жабдықтау жүйесіндегі жұмыс қысымы шамамен 11–12 атмосфера болса, сынақ кезінде жасырын ақауларды анықтау үшін қысым жасанды түрде 16 атмосфераға дейін көтеріледі. Сынақ жүргізу кезінде учаскелерде мамандар кезекшілік етеді, олар зақымдалған жерлер анықталған бойда желілерді жедел түрде жауып тастайды", - деп хабарлады Қостанай әкімдігі.

Сынақ аяқталғаннан кейін кәсіпорын мамандары анықталған ақауды жоспарлы түрде жоюға кіріседі, деп нақтылады әкімдік.

10 метр биікке ыстық су атқылады: Астанада экскаватор құбырды зақымдаған

Бұған дейін Астанадағы "Эталон" құрылыс базары маңында құбыр жарылған болатын. Жерден атқылаған ыстық су видеоға түсіп қалған. Су құбырын жөндеу бойынша жер жұмыстарын жүргізу кезінде экскаватор жылу трассасы желісіне тиіп, оны зақымдаған. Куәгерлер түсіріп алған ыстық су мен будың сыртқа шығуына дәл осы жағдай себеп болған.

Google News арқылы жаңалықтарымызды қадағалаңыз