Жошы хан сериалы қай шетелдік платформада көрсетіледі

— Мемлекет басшысының V Ұлттық құрылтай отырысында жариялаған мәліметке сәйкес, Жошы хан туралы көп сериялы жобаны әзірлеу жұмыстары 2026 жылдың көктемінде аяқталуға тиіс. Сондай-ақ фильмнің премьерасын халықаралық платформаларда ұсыну бағыты айқындалған. Қазіргі уақытта көрсетілім алаңдары бойынша ұйымдастырушылық және келісу жұмыстары жүргізіліп жатыр. Премьера өтетін нақты платформалар жөніндегі ақпарат тиісті келісімдер аяқталғаннан кейін қосымша хабарланатын болады, — деді министрліктен агенттіктің ресми сауалына орай.

Айта кетейік, Президент Қызылордада өткен құрылтайда Жошы хан туралы сериал Алтын Орда брендін жер жүзіне дәріптеуге ықпал ететінін айтқан еді.