2027 жылдан бастап ипотека мөлшерлемесі алғашқы жарна көлеміне байланысты болады

Фото: gov.kz

Жоба нормативтік құқықтық базаны жетілдіру мақсатында әзірленді және нормативтік құқықтық актілердің келісілуін қамтамасыз етуге және талаптардың қайталануын болғызбауға бағытталған.

Қаржы нарығын реттеу және дамыту агенттігінің баспасөз қызметінінң мәлімдеуінше, негізгі өзгеріс 2027 жылғы 1 қаңтардан бастап ипотекалық тұрғын үй қарыздары бойынша жылдық тиімді сыйақы мөлшерлемесінің (ЖТСМ) шекті мөлшерін белгілеуге қарыз мөлшерінің кепіл нысанасының құнына қатынасы коэффициентіне (Loan-to-Value, LTV) байланысты сараланған тәсілді енгізу.

LTV индикаторы ипотекалық қарыз сомасының кепілмен қамтамасыз ету құнына қатынасын көрсетеді және ипотекалық кредит берудегі кредиттік тәуекелдің негізгі көрсеткіштерінің бірі.

4 маусымнан бастап ипотека қымбаттайды: «Отбасы банк» қандай өзгеріс енгізді?

Бұдан басқа, LTV көрсеткіші сатып алынатын тұрғын үй құнындағы қарыз қаражатының үлесін көрсетеді және қарыз алушының бастапқы жарнасының мөлшеріне байланысты болады. Бастапқы жарна неғұрлым жоғары болса, LTV мәні, қарыз қаражатының үлесі және ипотекалық тұрғын үй қарызы бойынша кредиттік тәуекел деңгейі соғұрлым төмен болады.

«Осыған байланысты жобада ипотекалық тұрғын үй қарыздары бойынша ЖЭТСМ шекті мөлшерін төмендегідей белгілеу көзделеді: LTV мәні қоса алғанда 0,7-ге 20%-ға дейін; LTV мәні 0,7-ден жоғары болған кезде 25%-ға дейін.

Осылайша, бастапқы жарнасы оның құнының кемінде 30%-ы болатын тұрғын үй сатып алатын қарыз алушылар ипотекалық тұрғын үй қарыздарын неғұрлым төмен құны бойынша ала алады», делінген хабарламада.

Жаңа ипотекалық жоба арқылы аяқталмаған үйлерден пәтер алуға болады

Ұсынылған тетік қарыз алушылардың бастапқы жарнаны қалыптастыруын ынталандыруға, ипотекалық нарықты реттеудің тәуекелге бағдарлануын арттыруға, ипотекалық тұрғын үй қарыздары бойынша неғұрлым әділ баға белгілеуді қамтамасыз етуге және банк секторының орнықтылығын қолдауға бағытталған.

Бұл ретте 2026 жылғы 1 шілдеден бастап 2027 жылғы 1 қаңтарға дейінгі кезеңде ипотекалық тұрғын үй қарыздары бойынша ЖСТМ-нің шекті мөлшері қолданыстағы деңгейде – 25% болып сақталады.