306 заң бұзушылық Астанада рекордшы жүргізуші жазаланды

Астанада жол қозғалысы ережелерін 306 рет бұзған 25 жастағы жүргізуші анықталды, – деп хабарлайды Tengri Auto.

Астана прокуратурасы мәліметінше, мониторинг барысында жыл басынан бері жол қозғалысы ережесін 306 рет бұзған Hyundai Palisade автокөлігінің жүргізушісі анықталған.

Заңбұзушылықтардың басым бөлігі "Белгіленген жүру жылдамдығынан асыру" бабына жатады – 169 рет, сондай-ақ ол 134 рет қоғамдық көлікке арналған арнайы жолақпен жүрген.

Мәселен, биыл 3 мамырда ол Ұлы дала даңғылымен сағатына 137 шақырым жылдамдықпен жүріп өткен.

Сот бұл әрекеттерді ұсақ бұзақылық деп танып, 10 тәулікке әкімшілік қамауға алу туралы шешім шығарды.

"Аталған тәжірибе прокуратура мен полиция органдарының үйлестірілген жұмысы шеңберінде сот тәртібімен жүзеге асырылып жатыр. Бұл жауапкершіліктің бұлтартпастығы қағидатын қамтамасыз етуге және жолдардағы аса қауіпті әрекеттердің жолын кесуге мүмкіндік береді", - дейді прокуратура өкілдері.

Жүргізушілерді жол қозғалысы ережелерін сақтауға, қозғалыстың басқа қатысушыларына құрметпен қарауға және жол қауіпсіздігін есте сақтауға шақырады.

Тағы оқыңыз: Астанада сағатына 200 шақырымға жуық жылдамдықпен жүрген Porsche жүргізушісі ұсталды

Бізді Google-дың негізгі дереккөздер тізіміне қосыңыз