500 тоннаға жуық өнім: Республика күнінде Астанада азық түлік жәрмеңкесі өтеді

АСТАНА, 24 қазан – Sputnik. Астанада 25 қазанда бір күн бойы ауыл шаруашылығы өнімдерінің жәрмеңкесі өтеді, деп хабарлады қала әкімдігі.

25 қазанда, Республика күні, Астанада Ақмола облысының өндірушілерінің қатысуымен соңғы ауыл шаруашылығы жәрмеңкесі өтеді. Іс-шара бір күнге ғана созылады.

Жәрмеңкеге аймақтың 100-ден астам ауыл шаруашылығы өндірушілері мен өңдеу кәсіпорындары қатысады және шамамен 50 түрлі азық-түлік өнімдері ұсынылады.

"Облыстың ауыл шаруашылығы өндірушілері ет және шұжық өнімдерін, жаңа піскен балықты, жұмыртқаны, сүт және сүт өнімдерін, ұнды, картопты және көкөністерді әкеледі. Өнімнің жалпы көлемі 460 тоннадан асады", - деп жазылған хабарламада.

Әкімдік хабарлауынша, жәрмеңкеде тұтынушыларға көмектесу үшін еріктілер де болады. Қонақтар үшін ақмолалық әртістердің қатысуымен концерттік бағдарлама ұсынылады.

Жәрмеңке тек бір күн бойы Қарқаралы тас жолы, 1-үйде, Қазанат ипподромының қарсысында өтеді.

Іс-шара таңғы сағат 8:00-де басталады.