Атырауда азық түлік жәрмеңкесі өтеді

Атырау қаласында азық-түлік жәрмеңкесі өтетіні туралы қалалық кәсіпкерлік және ауыл шаруашылығы бөлімі хабарлады.

Ұйымдастырушылардың мәліметінше, 2026 жылдың 15 наурызында сағат 08:00-ден 13:00-ге дейін Жилгородок шағын ауданындағы «Мұнайшы» стадионы алдында жәрмеңке ұйымдастырылады.

Сонымен қатар, 14-15 наурыз күндері «Сарайшық» коммуналдық базарының алдында сауда алаңдары жұмыс істейді.

Жәрмеңкеде қала тұрғындары мен қонақтарына жергілікті ауыл шаруашылығы өнімдері ұсынылып, бағасы қаладағы сауда орындарынан 10–15% төмен болады.

Атырау қаласы әкімдігі тұрғындарды жергілікті өндірушілерді қолдауға және азық-түлікті арзандатылған бағамен сатып алу мүмкіндігін пайдалануға шақырды.

Бүгін, 19:08