Абай облысында 100 ге жуық орман ағашы заңсыз кесілген

АСТАНА, 19 қаңтар - Sputnik. Абай облысы Бородулиха ауданында орман ағаштары заңсыз кесілген, деп хабарлайды облыстық прокуратура.

Бородулиха ауданының прокуратурасы мемлекеттік жерлерді заңсыз иелену және орманды заңсыз кесу фактілерін анықтады.

"Іле-Алатау мемлекеттік ұлттық табиғи паркі мен "Ертіс орманы" мекемесінің лауазымды тұлғалары Успенка және Поднебесное елді мекендерінің жайылымдық алқаптарына заңсыз дайындалған ағаш материалдарын орналастырған", - дейді прокуратурада.

Бұл жер учаскелері "Ертіс орманы" мекемесіне пайдалануға берілмеген. Екі лауазымды тұлғасы әкімшілік жауаптылыққа тартылып, айыппұлдар төленді.

"Сонымен қатар Новошульба филиалының Успенка орманшылығында жалпы көлемі 96,7 шаршы метр болатын аумақта "қарағай" тұқымдас 92 ағаш заңсыз кесілген. Келтірілген залал 760 мың теңгеден асты", - дейді прокуратура.

Қазіргі уақытта тергеу жүріп жатыр.