Абай облысында жоғалған шетел азаматының мәйіті табылды

АСТАНА, 18 сәуір – Sputnik. Абай облысында із-түзсіз жоғалған шетел азаматы Махаббатсайдан өлі күйінде табылды, деп хабарлады КТК.

33 жастағы ер адам биіктен құлап кетіпті.

Қайғылы жағдай Мақаншы ауданында болды. Ер адам бес күн бұрын тауға кетіп, содан қайта оралмаған. Алдымен оны танысы іздеп, кейін полицияға хабарлапты. Марқұм – шетел азаматы.

Қазір қайғылы жағдай бойынша қылмыстық іс қозғалып, тергеу басталды.