Air Astana әуе компаниясының экс басшысы жаңа қызметке тағайындалды

Директорлар кеңесінің құрамына сондай-ақ Ерлан Қойшыбаев, Сергей Швалов, Айбек Қапар және тағы бір тәуелсіз директор Сергей Анашкин енді.

Кадрлық өзгерістермен қатар компанияда ауқымды қайта құрылымдау жүргізілуде. 2026 жылғы 10 маусымда әуе тасымалдаушысы ресми түрде KTZ Air Cargo атауынан бас тартып, Alatau Air Cargo болып өзгертілді. Сонымен бірге компанияның заңды мекенжайы Астанадан Қарағанды облысына көшірілді. Акционерлер ұйымның жаңа жарғысын да бекітті.

Қазақстанда авиация саласына бөлінетін гранттар саны артты

Питер Фостер биылғы 31 наурызда Air Astana компаниясының басшысы қызметінен кеткен болатын. Оның орнына Ибрахим Жанлыел тағайындалды. Сол кезде Фостер отбасына көбірек уақыт бөліп, саяхат пен сүйікті істерімен айналысуды жоспарлайтынын айтқан еді.

Алайда тәжірибелі авиациялық менеджер жаңа ұсынысты қабылдап, жүк авиациясын дамыту жобасына қосылды. Питер Фостердің халықаралық авиация саласындағы тәжірибесі мол. Ол әр жылдары Cathay Pacific Airways, Philippine Airlines және Royal Brunei Airlines компанияларында қызмет атқарған.

Қазақстанның Авиациялық әкімшілігіне АҚШ азаматы басшы болып тағайындалды

Сарапшылардың пікірінше, оның Alatau Air Cargo құрамына келуі компанияның Қазақстандағы және халықаралық нарықтағы позициясын күшейтуге бағытталған стратегиялық қадам болуы мүмкін.