Airbnb қожайындардың қонақтардан ыдыс жууды және қоқыс шығаруды талап етуіне тыйым салады

Airbnb қолдау қызметі баспана жалдаушыларға қойылатын талаптарды өзгертті. Енді үй иелері қонақтардан ыдыс жууды, төсек-орын жаймасын шешіп алуды және қоқысты сыртқа шығаруды талап ете алмайды, деп хабарлайды Tengri Travel.

Қонақтар үшін не өзгереді?

Airbnb-дің жаңа ережелеріне сәйкес, үй иелері қонақтарға тұру шарттары туралы алдын ала ескертуі тиіс және брондау жасалғаннан кейін қосымша талап қоя алмайды.

Атап айтқанда, ережелер баспана жалдаудың басқа да тұстарына қатысты болды:

Артық талапсыз. Үй иелері заңды негізсіз қосымша келісімшарттарға қол қоюды немесе құжаттарды ұсынуды талап ете алмайды; Күрделі тазалаусыз. Қонақтарды әдетте клининг мамандары жасайтын жұмыстарды орындауға, мысалы, барлық ыдысты жууға немесе қоқыс шығаруға міндеттеуге болмайды; Барлық жағдайға қолжетімділік. Хабарландыруда көрсетілген жайлылықты пайдалануға шектеу қоюға болмайды; Өз бетінше айыппұл салынбайды. Үй иелері ереже бұзғаны үшін қонақтарға өз бетінше айыппұл тағайындай алмайды; Қосымша алымдар. Таңғы ас сияқты ақылы қызметтер туралы алдын ала көрсетілуі тиіс. Үй иелерінің қандай құқығы бар?

Дегенмен, талаптар орынды әрі платформа талаптарына сәйкес келсе, үй иелері де өздерінің тұру ережелерін белгілей алады.

Мысалы, олар шылым шегуге, шулауға және қосымша қонақтар шақыруға шектеу қоя алады. Бұл ретте қонақтар үй ережелерін сақтауға міндетті, сондай-ақ үй иелерінің өтініштеріне құрметпен қарау ұсынылады.

Егер қонақ ережені бұзса немесе өтінішті елемесе, үй иесі қолдау қызметіне жүгіне алады. Күрделі немесе қайталанған олқылықтар жағдайында платформа қонаққа қатысты санкциялар қолдануы мүмкін.

Ең бастысы - ережелер түсінікті әрі ақылға қонымды болуы керек, ал үй иелерінің талаптары белгіленген нормалардан аспауы тиіс.

Жаңа ережелер қашан күшіне енеді?

Жаңа ережелерді 2026 жылдың 20 қарашасынан бастап немесе одан кейін жасалған барлық бронға қолдану жоспарланып отыр.

Айта кетейік, Канар аралдарының құрамына кіретін Лансароте аралында Лос-Ахачес табиғи ескерткішінің аумағына көлікпен кіруді шектеу ұсынылды. Жаңа ережелер танымал Папагайо жағажайларына келетін туристерге әсер етуі мүмкін.

Тағы оқыңыз: Түркияда демалуды жоспарлаған саяхатшыларға алаяқтықтың жаңа схемасы ескертілді

Бізді Google-дың негізгі дереккөздер тізіміне қосыңыз

Қосу