Айқын бағытты түсінуге мүмкіндік береді

Ұлттық құрылтайдың Бурабайда өткен ІV отырысында Мемлекет басшысы бірқатар сарапшылар мен қоғам өкіл­дері­нің ішкі саясат саласында тұжырым­дамалық құжат қабылдау қажеттігі жөніндегі бас­тамасын қолдады.

Сурет: akorda.kz

Президент Әкімшілігі жарты жылдан аса уақыт бойы түрлі диалог алаңдарында Ұлттық құрылтай мүшелерінің, сарапшылардың, қоғамдық және ғылыми ұйым өкілдерінің қатысуымен пікірталастар ұйымдастырды.

Сарапшылық талқылаулардың нәтижесінде ішкі саясат саласында жүргізіліп жатқан жұмысты жүйелейтін тұжырымдамалық құжаттың жобасы әзірленді.

Кеше Мемлекет басшысы «Қазақстан Респуб­ликасы ішкі саясатының негізгі қағидат­тары, құндылықтары мен бағыттарын бекіту туралы» Жарлыққа қол қойды. Ішкі саясат саласындағы жұмысты жүйелеп, үйлес­тіруді көздейтін құжат бірінші кезекте мемлекеттік органдарға арналған. Соны­мен қатар бұл қоғамға жүргізіліп отырған мемлекеттік сая­сат­тың идеялық мәнін және еліміздің бола­шақтағы бейнесінің айқын бағытын түсінуге мүмкіндік береді.

Ерлан ҚАРИН,

Мемлекеттік кеңесші