Айзаттың анасы: Күйеу бала қызыма бұрыннан қол көтерген

Талдықорғанда Айзат Жұманованың өліміне қатысты ашық сот отырысы өтіп жатыр.

Естеріңізге сала кетейік, қайғылы жағдай маусым айында Ақсу ауданының Баласаз ауылында болған. Күдікті Айбар Жанболат масаң күйде өзінің әйелін соққыға жығып, артынша ауруханаға жеткізген. Бірақ ауыр жарақат салдарынан жары есін жимаған күйі жантәсілім етті. Қылмысқа қатысты бүгін сотталушы жауап беру керек еді. Бірақ ол куәлік етуге дайын еместігін алға тартты. Осыған байланысты оның әкесі мен ауылдасы көрген білгенін баяндады. Жалпы бұл істе жиырмадан аса куәгер бар. Олар да кезекпен сұралатын болады. Ал марқұмның анасы қызына күйеу баласының бұрын да қол көтергенін айтты. Сондықтан судьядан қатаң жаза беруді сұрады. Жәбірленушінің адвокаттары да осындай пікірде.

Аида Қуандықова, жәбірленуші тараптың өкілі:

- Қазіргі таңда қылмыстық іс Қылмыстық кодекстің 99-бабы 1-бөлігімен сараланып жатыр. Алайда жәбірленуші тарап бұл баппен келіспейді. Қазіргі баппен қозғалып жатқаны ең көп дегенде 15 жылға сотталуы мүмкін. Бірақ біз бұдан да ауыр жаза алғанын қалаймыз және де өмір бойына бас бостандығынан айыруды сұраймыз.