Алаяқтар Ұлыбританияда 500 мың адамның деректерін Alibaba арқылы сатпақ болған

Бұл туралы Ұлыбританияның технология мәселелері жөніндегі министрі Иэн Мюррей мәлімдеді.

Оның айтуынша, ұйым үкіметке бірнеше сатушы орналастырған хабарландырулар туралы хабар берген. Әңгіме кемінде үш деректер жиынтығы туралы болып отыр. Соның бірі барлық 500 мың еріктінің мәліметтерін қамтуы мүмкін деген болжам бар.

UK Biobank өкілдері мәліметтердің таралуына қатысушылардың аты-жөні, мекенжайы, телефон нөмірлері немесе байланыс деректері кірмегенін нақтылады. Алайда жарияланған ақпарат денсаулық жағдайына және ғылыми зерттеулерде қолданылатын өзге де биомедициналық көрсеткіштерге қатысты болған.

Ұлыбритания билігі сауда алаңының операторымен және Қытай үкіметімен байланысқа шыққан. Британ тарапының мәліметінше, хабарландырулар жедел түрде өшірілген және деректердің сатып алынғанын дәлелдейтін нақты айғақ әзірге жоқ.

Жоба жетекшісі Рори Коллинз болған жағдай үшін қатысушылардан кешірім сұрап, деректерді қорғау жүйесі күшейтілетінін айтты. Сақтық шарасы ретінде зерттеу платформасына қолжетімділік уақытша шектелді. Сонымен қатар файлдарды жүктеуге қосымша шектеулер енгізілді.

UK Biobank әлемдегі ең ірі биомедициналық ақпарат базаларының бірі саналады және оны әлем ғалымдары денсаулық пен өмір салтына қатысты зерттеулер жүргізу үшін пайдаланады.

Бұған дейін Қазақстан Денсаулық сақтау министрлігі биомедициналық және клиникаға дейінгі зерттеулерді, сондай-ақ биобанктердің қызметін реттейтін нормативтік құжаттарға бірқатар маңызды өзгерістер енгізгені хабарланған еді.

Сондай-ақ Қазақстанда кибершабуылдар кезінде интернет өшірілуі мүмкін.