Әлемдік нарықта мұнай бағасы 2% ға өсті

Дүйсенбі күні әлемдік мұнай нарығында баға тағы да қымбаттады.
Бұған АҚШ пен Иран арасындағы келіссөздердің тоқтауы және Ормуз бұғазындағы тасымалдың шектелуі әсер еткен.

Reuters деректеріне сәйкес, Brent маркалы мұнайдың маусымдық фьючерстері 2,16 долларға өсіп, барреліне 107,49 долларға жетті. Бұл – 7 сәуірден бергі ең жоғары көрсеткіш. Ал WTI мұнайы 1,77 долларға қымбаттап, барреліне 96,17 доллар болды.

Сарапшылардың айтуынша, соңғы аптада мұнай бағасы айтарлықтай қарқынмен өскен. Атап айтқанда, Brent 17%-ға, ал WTI 13%-ға қымбаттаған. Бұл – әскери шиеленіс күшейген кезеңнен бергі ең жоғары апталық өсім.

Goldman Sachs сарапшылары Таяу Шығыстағы өндіріс көлемінің қысқаруына байланысты болжамдарын қайта қарады. Олардың бағалауынша, жыл соңына қарай Brent мұнайы барреліне 90 долларға, ал WTI 83 долларға дейін көтерілуі мүмкін.

Мамандар мұнай бағасының өсуі мен өнім тапшылығы жаһандық экономикаға қосымша қысым түсіріп, инфляцияның артуына әкелуі ықтимал екенін ескертеді.