Әлемнің ең танымал футбол клубтары анықталды

JD Sports компаниясы әлемдегі ең танымал клубты анықтады. Сараптама қорытындысын Marca басылымы ұсынып отыр.
Зерттеу Google-мен іздеу сұрақтарына сараптама жүргізу негізінде жасалды. Әлемнің 97 мемлекетінде ең көп ізделген ақпарат мадридтік "Реал" туралы. Екінші орында лондондық "Арсенал" (17 ел) және үштікке англиялық "Манчестер Юнайтед" кірген (16 ел). 
2018 жылдың мамырында ESPN әлемнің ең танымал спортшысын атаған болатын. Басылым мәліметінше, спортшылар ішінде ең танымал - жазда "Реалдан" италиялық "Ювентуске" ауысқан Криштиану Роналду болып шықты.
"Реалды" Халықаралық футбол федерациясы (ФИФА) ХХ ғасырдың ең үздік клубы деп таныған. Мадридтіктер Чемпиондар лигасы тарихында (туринирдегі 13 жеңіс) және Испания чемпионатында (ұлттық біріншілікте 33, Испания кубогында 19 жеңіс) ең көп жүлде алған команда.