Алматы Бас жоспарына түзетулер 2026: бекітудің жаңа мерзімдері мен тыңдаулар

2025 жылдың соңында Алматыда қаланың Бас жоспарына түзетулер енгізу бойынша қоғамдық тыңдаулар өтті. Сол кезде қаланың кейбір аудандарында үйлерді бұзу жұмыстары жалғасып, олардың орнына көпқабатты үйлер, жолдар салынатыны, саябақтар бой көтеретіні белгілі болған еді. Шенеуніктер мегаполистің басты құжатын шамамен 2026 жылдың мамыр айына қарай бекітуді жоспарлаған болатын, алайда бұл жүзеге аспады. TengriHome Алматының Бас жоспарына түзетулер енгізу жұмыстары қазір қай кезеңде екенін, қоғамдық тыңдаулардың тағы өткізілетін-өткізілмейтінін, сондай-ақ құжатты қарау және қабылдау мерзімдерін анықтады.

Поделиться

2025 жылдың соңында Алматыда қаланың Бас жоспарына түзетулер енгізу бойынша қоғамдық тыңдаулар өтті. Сол кезде қаланың кейбір аудандарында үйлерді бұзу жұмыстары жалғасып, олардың орнына көпқабатты үйлер, жолдар салынатыны, саябақтар бой көтеретіні белгілі болған еді. Шенеуніктер мегаполистің басты құжатын шамамен 2026 жылдың мамыр айына қарай бекітуді жоспарлаған болатын, алайда бұл жүзеге аспады. TengriHome Алматының Бас жоспарына түзетулер енгізу жұмыстары қазір қай кезеңде екенін, қоғамдық тыңдаулардың тағы өткізілетін-өткізілмейтінін, сондай-ақ құжатты қарау және қабылдау мерзімдерін анықтады.

Бас жоспарға қандай түзетулер енгізіледі?

Бас жоспарға сәйкес, 2040 жылға қарай Алматыда 3,6 миллион адам тұратын болады. Сондықтан билік "резервтік аумақтар" деп аталатын жерлерді игеруді жоспарлап отыр. Мысалы, қаланың Түрксіб (Маяк шағын ауданы мен "Авиатор" бау-бақша серіктестігі) және Жетісу аудандарында үйлерді бұзу қарастырылған.

"Өнеркәсіптік аймақтар мен ескі тұрғын үй қорының орнына көшелер желісі тығызырақ, гүлзарлары бар, бірінші қабаттары шағын бизнеске арналған жаңа үлгідегі кварталдық құрылыстар пайда болады", - делінген Бас жоспарға енгізілген түзетулерде.

Билік мыналарды жоспарлап отыр:

тозығы жеткен тұрғын үй қоры бар жеке құрылыс аудандарын реконструкциялау, оның ішінде 1,82 миллион шаршы метр тозығы жеткен тұрғын үй қорын бұзу; бос жатқан шеткі және реконструкцияланатын қалалық аумақтарда тұрғын үй кешендерін салу, бұл ретте 16,05 миллион шаршы метр жаңа тұрғын үй қорын пайдалануға беру; тарихи-мәдени құндылығы бар, XIX ғасыр мен XX ғасырдың басындағы, сондай-ақ XX ғасырдың 20-50-ші жылдарындағы қала құрылысының үлгісі болған тұрғын үй орамдары мен кешендерін реставрациялау, реконструкциялау және абаттандыру; тұрғын үй аумақтарын сақтау, Алматының орталық өзегіндегі тұрғын үй ортасын оңалту және жабдықтау; 60-80-ші жылдардағы және одан кейінгі кезеңдердегі жаппай салынған шағын аудандарда кезең-кезеңімен реконструкциялау, кешенді абаттандыру, сәулеттік-кеңістіктік аяқтау және қоғамдық аймақтар мен орталықтар жүйесін қалыптастыру.

Алматының тұрғын үй қорының көлемі 2041 жылдың 1 қаңтарына қарай 95,33 миллион шаршы метрге жетуі тиіс.

Бұл жоспарлардың тек аз ғана бөлігі. Құжат өте ауқымды. Қорытындылар алынғанға дейін алдыңғы жобамен осы жерден танысуға болады.

Алматының Бас жоспарын бекіту мерзімдері: қазір не белгілі?

2025 жылдың 24-26 желтоқсаны аралығында өткен қоғамдық тыңдаулардан кейін жоба стратегиялық экологиялық бағалауға (СЭБ) жіберілді.

"2026 жылғы 24 сәуірде СЭБ бойынша оң қорытынды алынды, стратегиялық экологиялық бағалау туралы есеп қанағаттанарлық деп танылды. СЭБ бойынша қорытынды Алматы қаласының сәулет және қала құрылысы басқармасының порталында ашық қолжетімді жерде орналасқан", - делінген "Алматыбасжоспар" мекемесінің редакция сауалына берген жауабында.

"Алматыбасжоспар ҒЗИ" ЖШС түсіндіргендей, түзетулерді шамамен 2026 жылдың екінші жартысында бекіту, ал құжаттың өзін 2026 жылдың IV тоқсанында қабылдау жоспарланған.

Қоғамдық тыңдаулар өте ме?

"Алматыбасжоспар" өкілдері СЭБ есебі қанағаттанарлық деп танылғаннан кейін, сәулет және қала құрылысы басқармасы құжат жобасын қоғамдық тыңдауға шығаруы тиіс екенін айтты.

"Қоғамдық тыңдаулар туралы ақпаратты орналастыру үшін Алматы қаласының сәулет және қала құрылысы басқармасының ресми интернет-ресурсында арнайы "Қоғамдық тыңдаулар" айдары құрылады". Қоғамдық тыңдауларды өткізу 2026 жылдың маусым айына жоспарланған", - деп жауап берді "Алматыбасжоспар" өкілдері.

Алматы сәулет және қала құрылысы басқармасының сайтында қаланың Бас жоспарын түзетудің СЭБ аясындағы тыңдауларды өткізу туралы хабарландыру жарияланды. Анонсқа сәйкес, тыңдаулар 2026 жылғы 30 маусымда сағат 9:00-де Алматы қаласы, Абай даңғылы, 90 мекенжайындағы мәжіліс залында өтеді.

Алматы Бас жоспарының жобасы: жаңартылған құжат қашан және қайда жарияланады?

"Алматы қаласының Бас жоспарын түзету жобасы қазіргі уақытта кешенді қала құрылысы сараптамасын өткізу мақсатында құжаттаманы толықтығына тексеру үшін жүктеуге дайындау сатысында", - деп нақтылады "Алматыбасжоспар" мекемесі.

Жаңартылған Бас жоспар туралы ақпаратты Алматы сәулет және қала құрылысы басқармасының сайтында жариялауға уәде берілді.

Google News арқылы жаңалықтарымызды қадағалаңыз

Жазылу

Алматы тұрғындар қалалар