Алматы хайуанаттар бағындағы қолтырауын 40 жасқа толды

АСТАНА, 5 тамыз – Sputnik. Алматы хайуанаттар бағындағы қолтырауын 40 жасқа толды, деп хабарлайды Sputnik Қазақстан тілшісі.

Фидель есімді кубалық қолтырауын 1986 жылы дүниеге келген. 2001 жылы ол Рига хайуанаттар бағынан Алматыға жеткізілген. Қазір оның ұзындығы шамамен 4 метрге жетеді.

© Акимат АлматыАлматы хайуанаттар бағындағы қолтырауын

Алматы хайуанаттар бағындағы қолтырауын

© Акимат Алматы

Мерейтойына орай мамандар оның сүйікті асы – сиыр етінен арнайы мерекелік "торт" әзірледі.

"Фидельге аптасына бір рет азық беріледі. Себебі қолтырауынның ас қорыту процесі ұзақ уақытқа созылады. Әдетте оны әр сейсенбі күні сағат 14:00-ден 15:00-ге дейін тамақтандырады. Осы уақытта келушілер оның қоректену сәтін тамашалай алады", – дейді зообақ мамандары.

Фидельдің денсаулығы жақсы. Ветеринар мамандар оны үнемі бақылауда ұстайды.

Айта кетері, кубалық қолтырауындар бірнеше ондаған жыл өмір сүре алады.