Алматы маңындағы ЖКО да үш бала мен әкесі ауыр жарақат алды: сот жүргізушіге үкім шығарды

Алматы облысында ер адам мен оның үш баласы ауыр жарақат алған жол-көлік оқиғасына кінәлі жүргізушіге үкім шықты, - деп хабарлайды Tengrinews.kz.

Алматы облысында ер адам мен оның үш баласы ауыр жарақат алған жол-көлік оқиғасына кінәлі жүргізушіге үкім шықты, - деп хабарлайды Tengrinews.kz.

Жол апаты 2025 жылғы 2 желтоқсанда болған. Іс материалдарына сәйкес, Роман Смирнов пен оның үш кәмелетке толмаған баласы отырған автокөлік қарсы бетке шығып кеткен көлікпен соқтығысқан. Тергеу барысында кінәлі жүргізушінің қараңғыда шамдарын жақпай жүргені анықталды, ал сараптама оның мас болғанын растады.

Instagram-дағы бұл жарияланымды көру

NEWS Karaganda-Ulytau (@newskor.krg) жариялаған материал

Соққы салдарынан отбасының барлық мүшесі ауыр жарақат алған. Роман Смирнов бірнеше ота жасатып, жұбайының айтуынша, ұзақ уақытқа еңбекке қабілетсіз болып қалған. Үш баласы дене жарақаттары және басынан соққы алып ауруханаға түскен – оларға әлі де күрделі ем мен оңалту қажет.

Судья Дінмұхамед Адайбаев жүргізушіні кінәлі деп таныды. Ол ер адамды 1 жыл 6 айға бас бостандығынан айырып, 10 жыл бойы көлік жүргізу құқығынан шектеді. Сондай-ақ сот сотталушыны отбасына моральдық зиян үшін 35 миллион теңге және материалдық шығын ретінде шамамен 2,4 миллион теңге төлеуге міндеттеді.

Судья заң бойынша бұдан да қатаң жаза тағайындауға неге мүмкіндік болмағанын бөлек түсіндіріп берді.

ОБСУЖДАЕТСЯ СЕЙЧАС

Қорғаныс министрлігі Атырау облысында әскери техника түсірілген видеоға пікір білдірді

31 наурыз 16:22 1

“Өкінемін, кінәлімін“: Қостанайда полицейге шабуыл жасағандар кешірім сұрады

02 сәуір 14:44 1

Қызылордадағы жол апаты: марқұмның отбасы Lexus жүргізушісі кінәлі болуы мүмкін екенін мәлімдеді

30 наурыз 15:27 1

"Сот жеңілдететін мән-жайлар ретінде сотталушының кішкентай баласының болуын және кінәсін мойындауын ескерді. Сонымен қатар, іс бойынша ауырлататын мән-жайлар анықталған жоқ. Бұл жағдайда құқық бұзушылықты мас күйінде жасау ауырлататын емес, саралаушы белгі болып табылады, сондықтан ол екі рет ескерілмейді", – деп түсіндірді судья.

Instagram-дағы бұл жарияланымды көру

NEWS Karaganda-Ulytau (@newskor.krg) жариялаған материал

Ол аталған баптың санкциясында ең көбі үш жылға бас бостандығынан айыру көзделгенін айтты. Жеңілдететін мән-жайлар болып, ауырлататын жағдайлар жоқ кезде судья осы мерзімнің жартысынан астамын бере алмайды. Бір жарым жылдық мерзім бұл жағдайда мүмкін болған ең жоғары жаза болды.

Зардап шеккен Роман Смирнов пен оның жұбайы Насия Гоголадзе сот шешіміне таңғалды. Әйел жазаның жеңілдігі жаңа трагедияларға әкелуі мүмкін деп есептейді.

"Үкімге көңілім толмайды. Мұндай мерзімнен кейін адамдар рөлге мас күйінде отырудан қорықпайтын болады. Осындай ауыр салдар үшін бұл өте аз. Одан да жеңіл істер үшін жаза қатаңырақ болып жатады. Менің балаларым қатты зардап шекті, ал кінәлі адам мұндай қысқа мерзім алады", – дейді ол.

Әйелдің айтуынша, отбасы сол түннің зардаптарымен әлі де күресіп келеді.

"Екі ұлымның да аяғында спица тұр, үлкенінің жақ сүйегіне пластина қойылған. Ол сүйемелдеушінің көмегімен қозғалады, кішісі енді ғана ақырындап жүре бастады. Қызым да ауыр жарақат алды. Біз мүгедектік рәсімдеп жатырмыз, үнемі дәрі-дәрмек, күтім, оңалту қажет. Балалар үйден шықпайды десе де болады – төрт жарым ай бойы тек аурухана мен үйдің арасындамыз. Тіпті күнге шығудың өзі қиын, ағза үйренбей қалған", – дейді Гоголадзе.

Оның сөзінше, отбасын күтудің барлық ауыртпалығы өзіне түскен.

"Төрт жарым ай бойы тек аурухана мен үйдің қабырғасын көріп келеміз. Күйеуіме тағы жарты жыл төсек режимі тағайындалды, алда тағы бір ота күтіп тұр, бірақ оған мүгедектік бермеді. Мен жұмыс істемеймін, себебі үнемі жақындарыма қараймын. Коммуналдық қызметтер мен дәрі-дәрмекті төлеу үшін әшекейлерімізді ломбардқа өткізуге мәжбүрміз", – дейді әйел.

Шешіммен келіспесе де, отбасы апелляцияға беруді жоспарлап отырған жоқ. Насия ұзаққа созылған емделу мен құжаттарды рәсімдеуден кейін соттасуды жалғастыруға қауқары жоқ екенін айтты. Отбасының айтуынша, олар әзірге өтемақы алған жоқ.