Алматыда метро ішінде төбелескен екі жігіт 86 мың теңгеден айыппұл арқалады

Оқиға сәті бейнежазбаға түсіп қалған. Әрекет бірден полицияның назарын аударды.

Алматы қаласы бойынша Полиция департаментінің баспасөз қызметінің мәліметінше, пойызда басталып, метрополитендегі станциялардың бірінің платформасында жалғасқан төбелеске қатысты құқықтық шаралар қабылданды. Жанжалға қатысқан екі азамат ұсталып, жиналған материалдар сотқа жолданды.

"Сот шешімімен құқық бұзушылар ұсақ бұзақылық жасағаны үшін әкімшілік жауапкершілікке тартылды. Әрқайсысына 20 айлық есептік көрсеткіш (2026 жылы – 86 500 теңге) мөлшерінде айыппұл салынды",- делінген ақпаратта.

Посмотреть эту публикацию в Instagram

Публикация от Алматы қаласының ПД | ДП г.Алматы (@almaty.police)

Бұған дейін үш жол апатын мас күйінде жасаған Данияр Елеусіновке сот қатаң жаза тағайындағанын жазғанбыз.