Алматыда найзағай ойнап, кей жерлерде қар жаууы күтіледі

Алматы ТЖД қала тұрғындары мен қонақтарына маңызды ескерту жасады, деп хабарлайды Tengrinews.kz.

Алматы ТЖД қала тұрғындары мен қонақтарына маңызды ескерту жасады, деп хабарлайды Tengrinews.kz.

10 сәуірде Алматыда жаңбыр жауып, найзағай ойнайды деп күтіледі. Іле Алатауының таулы аймақтарында (Бостандық және Медеу аудандары) күндіз жаңбыр жауып, күн күркірейді, ал түнде қатты жауын-шашын болып, соңы қарға ұласады деп болжанған.

Тұрғындар мен туристерге тауға шықпау, қауіпсіздік шараларын сақтау және қызметтердің ресми ескертулерін қадағалап отыру ұсынылады.

Бұған дейін "Қазгидромет" синоптиктері Алматыда ауа райы қандай болатынын айтқан болатын.

10 сәуірде күн құбылмалы, түнде жаңбыр жауып, найзағай ойнайды. Оңтүстік-батыстан соғатын жел солтүстік-батысқа ауысады, жылдамдығы секундына 3-8 метрге жетеді. Ауа температурасы түнде +8...+10 градус, күндіз +18...+20 градус болады.

11 сәуірде күн құбылмалы, түнде жаңбыр жауып, найзағай ойнайды. Солтүстік-шығыстан соғатын желдің жылдамдығы секундына 3-8 метр, түнде екпіні 15 метрге дейін жетеді. Ауа температурасы түнде +5...+7 градус, күндіз +20...+22 градус болады.

12 сәуірде күн құбылмалы, жауын-шашынсыз. Солтүстік-шығыстан соғатын желдің жылдамдығы секундына 3-8 метрге жетеді. Ауа температурасы түнде +6...+8 градус, күндіз +22...+24 градус болады.