Алматыда қоғамдық көлікте жол ақысы қымбаттамайды

Алматы әкімдігі  қозғалысын ұйымдастыру және жолаушылар көлігі басқармасы мқоғамдық көліктерде жаңа тарифтік мәзірді енгізу кейінге қалдырылғанын хабарлады, деп жазады Egemen.kz 

Басқармадан хабарлағандай, тарифтік мәзір жобасы әлі де пысықталуда, ал оны енгізу субсидиялаудың жаңа ережелері бекітілгеннен кейін ғана басталады. Бұл ережелер қазір Әділет министрлігінде келісілуде. Ведомство келесі жылдың ішінде мәзір енгізуге үміттенеді.

Қосымша басқарма хабарлағандай, «қоғамдық көлікті пайдаланудың ыңғайлылығын арттыру үшін қазіргі уақытта басқарма екінші деңгейлі банктердің мобильдік қосымшалары арқылы және банк карталарымен жол жүру ақысын төлеу мүмкіндігін енгізу туралы мәселені зерттеуде».

Естеріңізге сала кетейік, бұған дейін Алматының қоғамдық көліктерінде банк карталарымен төлем енгізу ниеті жоқ екені хабарланған болатын. Әкімдікте бұл «Онай» электронды жүйесінің болуына байланысты қажет емес деп есептеді.

Сонымен қатар, «Тарифтік мәзір» жобасы әзірлену сатысында тұр. Ол түрлі прайстар мен абонементтерді енгізуді көздеу туралы айтылған.  Ұсыныстардың мөлшері мен құны жоба әзірленіп, қабылданғаннан кейін анықталатын болады.