Анарбеков пен Сәтбаев Қайрат құрамына қайта оралды

Алматылық «Қайрат» Петропавлдық «Қызылжарға» қарсы ойынына арналған бастапқы құрамын жариялады. Команда сапында жарақатынан айыққан Темірлан Анарбеков пен Дастан Сәтбаев бар, деп хабарлайды Egemen.kz.

Фото: ҚФФ

Команда тізімін қақпашы Темірлан Анарбеков бастап тұр. Ол қыркүйекте Алматыда өткен «Ақтөбеге» қарсы ойында жақ сүйегін сындырып, бір ай бойы алаңға шықпаған еді. Енді ол жарақатынан толық айығып, қайтадан негізгі құрамға қосылды.

Сондай-ақ сапқа Дастан Сәтбаев та оралды. Ол қазан айында алған жеңіл жарақатына байланысты Қазақстан құрамасының ойындарын өткізіп алған болатын. Футболшы Катарда тексеруден өтіп, Петропавлдағы матчқа қатысуға дайын екені белгілі болды.