Әнші Кәмшат Жолдыбаева қыз келіншектерге күтпеген ұсыныс айтты (видео)

Әнші Кәмшат Жолдыбаева әлеуметтік желіде бейнежазба жариялап, қыз-келіншектерге ұсыныс айтты, – деп жазды Aikyn.kz.

Ол әйелдерге арнап ерекше форматтағы кездесулер ұйымдастыруды жоспарлап жүргенін жеткізді. Айтуынша, қыз-келіншектерді іріктеп алып, бір ай бойы жұмыс істемек.

«Бір ай шамасында кездесіп, әдемі әйел жамағатын құрып, тәніміздің, табиғатымыздың сұлулығын ашатын әңгімелер, мүмкін топтық консультация ретінде болатын шығар. Одан кейін демалу, би билеу, созылу секілді әдемі практикалармен жалғасатын керемет кездесу өткізгім келеді. Осындай ниет бар. Сіздер қалай ойлайсыздар?» — дейді әнші.

Желі қолданушыларының бір бөлігі бұл бастаманы қолдаса, енді бірі ақша үшін жасалып жатқан дүние екенін айтып, сынға алған.

Сараптама, зерттеу мақала, күнделікті өзекті ақпаратты «Айқынның»  TELEGRAM  арнасынан табасыз.