АҚШ Иранға соққы жасау мүмкіндігін қарастырған, бірақ кейін бас тартқан Washington Post

АҚШ президенті Дональд Трамп Иранға әскери соққы беру нұсқасын талқылағанымен, түпкілікті шешім ретінде бұл қадамнан бас тартты. Бұл туралы The Washington Post басылымы дереккөздерге сүйене отырып хабарлады.

Мәліметке сәйкес, Ақ үйде әскери сценарийлер дайындалып, аймақтағы АҚШ күштері жоғары дайындыққа келтірілген. Алайда Трамп ықтимал соққының салдары ауыр болуы мүмкін екенін, соның ішінде аймақтық тұрақсыздықтың күшеюі мен америкалық әскери қызметкерлерге төнетін қауіптерді ескерген.

Сонымен қатар дипломатиялық арналар арқылы алынған ақпарат та шешімге әсер еткен. Иран тарапы бірқатар қатаң шараларды тоқтатқанын жеткізгеннен кейін, Вашингтон әскери жолдан гөрі қысымды басқа тәсілдермен жалғастыруды жөн көрген. АҚШ әзірге аймақтағы әскери әлеуетін сақтап отыр, бірақ тікелей соққы жасау жоспары күн тәртібінен алынған.