АҚШ тан 500 мыңнан астам заңсыз мигрант депортацияланды

АҚШ ішкі қауіпсіздік министрлігінің мәліметінше, тағы 1,6 миллион адам елден өз еркімен кеткен. 

— АҚШ-тан екі миллионнан астам құжатсыз мигрант кетті, оның ішінде 1,6 миллионы өз еркімен шыққан. Ал 527 мыңнан астамы депортацияланған, — делінген министрлік ақпаратында.

Министрлік жақын арада депортация бойынша жаңа рекордтар орнатады. Трамптың қазіргі президенттік мерзімінің бірінші жылының соңына қарай шамамен 600 мың адам елден шығарылуы мүмкін.

Министрлік мәліметінше, АҚШ елден өз бетімен кетуді жоспарлағандарға 1000 доллар төлем және тегін рейс ұсынатынын атап өтті.

Инаугурация күні Трамп АҚШ-тың 47-ші президенті ретіндегі алғашқы сөзінде заңсыз иммигранттардың Америка территориясына кіруін дереу тоқтатып, миллиондаған мигранттарды экстрадициялау процесін бастауға уәде берді. Ол сондай-ақ АҚШ-тың Оңтүстік шекарасындағы жағдайға байланысты ұлттық төтенше жағдай режимін енгізді.

АҚШ-та заңсыз жүрген мигранттар оларды депортациялау мәселесі шешілмейінше, кепілдікпен босатылу мүмкіндігін пайдалана алмайды.

Биыл соңғы онжылдықта алғаш рет АҚШ-қа келгендерден кеткендер саны көбейген.