АҚШ Украина бойынша келіссөзден шығып кетуге тырысып жатыр Кобяков

АСТАНА, 6 маусым – Sputnik. АҚШ Украина бойынша келіссөздерден шығуға тырысуда, өйткені олар арнайы әскери операцияның нәтижесі Ресейдің пайдасына шешілетінін түсінді. Бұл туралы Ресей президентінің кеңесшісі Антон Кобяков Петербург халықаралық экономикалық форумында (ПХЭФ) мәлімдеді, деп хабарлайды РИА Новости.

"АҚШ-тың келіссөздерден (Украина бойынша) шығуға қалай тырысып жатқанын байқауға болады. Мемлекеттік хатшы Марко Рубио да ашық түрде бұл үдерістің мәнін көрмейтінін айтты. Бұл түсінікті: АҚШ қақтығысты тұтатты, оған барлығын тартты, ал енді өздерін делдал бола алатындай кейіп танытып отыр", – деді ол.

Кобяковтың бағалауынша, АҚШ Конгресінің санкцияларды күшейту жөніндегі ұсыныстары арнайы әскери операцияның нәтижесі Ресейдің пайдасына болатыны айқындала бастағанымен байланысты.

"Барлығы өте қарапайым – олар арнайы әскери операцияның нәтижесін түсінді", – деп атап өтті ол.