Ақтауда 13 ші мектеп ашылды: Өңірдегі ұлттық жоба сәтті қорытындыланды

Маңғыстау өңірінде Мемлекет басшысы Қасым-Жомарт Тоқаевтың бастамасымен қолға алынған «Келешек мектептері» ұлттық жобасы жоспарлы түрде толық аяқталды. 18 желтоқсан күні Ақтау қаласының 16 шағынауданында 1500 орындық заманауи №35 жалпы білім беретін мектеп пайдалануға берілді. Бұл облыс бойынша аталған жоба аясында салынған соңғы, яғни он үшінші білім ошағы, деп хабарлайды Egemen.kz.

Жаңа форматтағы білім ордасының жалпы аумағы 15 мың шаршы метрден асады. Мұнда оқушылардың сапалы білім алып, жан-жақты дамуы үшін 77 пән кабинеті жабдықталған. Мектепте дәстүрлі сыныптардан бөлек, робототехника, STEM-зертханалар, дизайн және технология, визуалды өнер, музыка және тамақтану мәдениеті сияқты арнайы бағыттағы кабинеттер жұмыс істейді.

Мектеп директоры Любовь Намның айтуынша, жаңа ғимарат тек білім беру орны емес, балалардың цифрлық сауаттылығы мен шығармашылық әлеуетін арттыратын зияткерлік кеңістікке айналмақ.

«Бүгінде мемлекетіміздің басты басымдықтарының бірі – сапалы білім беру жүйесін қалыптастыру. Осы орайда, «Келешек мектептері» ұлттық жобасы аясында бой көтерген жаңа білім ордасы – біздің мектебіміз, осы бастаманың жарқын көрінісі деп білеміз. Мектеп ұжымы – тәжірибелі, жаңашыл ұстаздардан құралған. Біз білім мен тәрбиені тең ұстауды басты міндет санаймыз. Баланың жан-жақты дамуы, қауіпсіз ортада еркін ойлап, өз болашағын қалыптастыруы – біздің күнделікті жұмысымыздың негізі. Осы мүмкіндікті пайдалана отырып, барлық ата-аналарды, қоғам мүшелерін мектеппен тығыз байланыста болуға, білім беру ісіне қолдау білдіруге шақырамын», деп атап өтті мектеп басшысы.

Ерекше білім беруді қажет ететін балалар үшін мектепте кедергісіз орта қалыптасқан: арнайы жеделсатылар, инклюзивті қолдау кабинеттері мен сенсорлық бөлмелер қарастырылған. Сонымен қатар қауіпсіздік мәселесіне де басымдық беріліп, 126 бейнебақылау камерасы орнатылған. Мектеп ауласында спорттық және ойын алаңдары толық жабдықталған.

Айта кетейік, бұған дейін Маңғыстау облысында осы жоба аясында 11 мыңнан астам оқушыға арналған 12 мектеп ашылған болатын. Бүгінгі №35 мектептің іске қосылуымен өңірде жоспарланған барлық 13 білім нысаны халық игілігіне берілді.

Соңғы жаңалықтар

Президент: Жаһандық қауіпсіздік жүйесін ядролық қарумен ұстап тұруға болмайды

Президент • Бүгін, 15:20

Шымкентте 4000-нан астам жалған «MacCoffee» тәркіленді

Оқиға • Бүгін, 15:13

Президент Алматыда БҰҰ университетінің өңірлік филиалын құруды ұсынды

Президент • Бүгін, 15:00

Ел құрамасы қысқы Олимпиада ойындарына тағы 12 лицензия жеңіп алды

Қысқы спорт • Бүгін, 14:50

Солтүстік Қазақстандағы су тасқыны қаупі сейілді ме?

Оқиға • Бүгін, 14:42

32-қабаттан Каспий көрінеді: Атырауда зәулім «Ақ-Жайық» кешені салынады

Құрылыс • Бүгін, 14:40

Тоқаев: БҰҰ әмбебап әрі баламасы жоқ ұйым рөлін атқаруды жалғастыра беруі керек

Президент • Бүгін, 14:35

Qazaq Air-дің 51% акциясы 1 млрд теңгеге сатылды

Экономика • Бүгін, 14:32

Президент орта державаларды БҰҰ Қауіпсіздік кеңесіне кеңінен қатыстыруға шақырды

Президент • Бүгін, 14:29

Елімізде бір жылда 795 мың қалдық жиналды

«Таза Қазақстан» • Бүгін, 14:20

Қасым-Жомарт Тоқаев БҰҰ университетінде дәріс оқыды

Президент • Бүгін, 14:12

Тәуелсіздік күніне тарту: Gemini енді қазақ тілінде қолжетімді

Жасанды интеллект • Бүгін, 14:01

Мектеп мәзіріне жылқы еті енгізіледі

Қоғам • Бүгін, 13:47

Алматыда әскерге шақырылатындарды жинау орны ашылды  

Қоғам • Бүгін, 13:10

Биыл су саласы қызметкерлерінің жалақысы 50%-ға дейін артты

Қаржы • Бүгін, 13:01

Барлық жаңалықтар