Ақтөбеде фельдшерді ұрған азамат 2,5 жылға сотталды

Фото: Ашық дереккөз

Бірнеше минуттан кейін оқиға орнына жедел жәрдем көлігі жеткен. Жас фельдшер ер адамның тамыр соғысын тез тексеріп, қысымын өлшеу үшін тонометрін шығарады және сонымен қатар оның аты-жөнін сұрастырады. Алайда ол ешқандай реакция білдірмей, сіресіп үндемей жата береді.

Полиция шақыру керектігін айтқан кезде ғана ер адам орнынан атып тұрып, бар пәрменімен фельдшерді бір теуіп, қаша жөнелген. Соққының қатты болғаны сонша, медицина қызметкерінің өзіне көмек қажет болған.

Ерлікпен қаза тапқан фельдшерге туған жерінде ескерткіш тақта орнатылды

Сотта 37 жастағы бұзақы өз кінәсін мойындап, өкінетінін айтты және өзін қатаң жазаламауды өтінді. Жауапкердің сөзінше, оған ешқандай көмек керек болмаған.

Астанада фельдшерге шабуыл жасаған ер адамға үкім шықты

Ақтөбе қаласының №2 соты мұндай уәжге иланбады. Сот айыпталушыны медицина қызметкеріне қатысты өмірі мен денсаулығына қауіпті емес зорлық-зомбылық қолданғаны үшін кінәлі деп таныды.

Ер адам 2,5 жылға бас бостандығынан айырылып, жазасын қатаң тәртіптегі колонияда өтейтін болды. Сондай-ақ ол зардап шегушіге моральдық шығын ретінде 300 мың теңге төлеуге міндеттелді.

«12 жылға дейін қамау»: Қазақстанда медицина қызметкерлеріне шабуыл жасағандарға жаза бекітілді

Бұған дейін, Алматы қаласында медицина қызметкерлеріне қауіп төндірген ер адамға қатысты қылмыстық іс қозғалғаны туралы хабарлаған едік.