Арыстанның қартайып әлсірегенін көру ауыр екен : Мұхтар Шаханов халық алдына шықты (ВИДЕО)

Қазақ әдебиетінің көрнекті өкілі, ақын әрі қоғам қайраткері Мұхтар Шахановтың жаңа видеосы әлеуметтік желіде кеңінен тарады, деп хабарлайды Arasha.kz.

TikTok желісінде жарияланған бейнежазбада ақынның Қуат пен Жайна есімді жастарға бата беріп отырған сәті түсірілген. Видео көпшіліктің жүрегін елжіретіп, әлеуметтік желі қолданушылары арасында жылы пікірлер тудырды.

Көптеген желі қолданушылары Шахановтың қартайғанын айтып, оған амандық пен ұзақ ғұмыр тіледі.
— «Арыстанның қартайып әлсірегенін көру ауыр екен»,
— «86-ның шындығын Кремль төрінде тұрып айтқан жалғыз адам. Алла күш-қуат берсін»,
— «Қазақ тілінің, әділдіктің, шындықтың қорғаушысы ғой бұл кісі»,
— «Қазақтың бақытына туған азамат!» — деген пікірлер легі толастар емес.