Әскерге барып келген жастарға оқуға грант табысталды

АСТАНА, 23 сәуір – Sputnik. Астанада запасқа шыққан әскери қызметшілерге жоғары оқу орындарында тегін білім алу үшін гранттар табысталды, деп хабарлайды Sputnik Қазақстан қорғаныс министрлігінің ресми сайтына сілтеме жасап.

Грант алғандардың арасында кіші сержант Бейбарыс Хасен де бар. Ол Лев Гумилев атындағы Еуразия ұлттық университетін таңдады.

"Мен үшін бұл әскерде жеткен басты жетістігім. Командирлерім мен жақындарымның қолдауы үшін алғысымды айтамын", – дейді Бейбарыс.

Ол да әскери борышын өтеу кезінде мемлекеттік грантқа "Сарбаз 2.0" цифрлық жүйесі іріктелді. Онда әрбір үміткердің жауынгерлік дайындығы мен жетістіктері тіркеледі. Соның негізінде үздіктер анықталып, жоғары оқу орнына ҰБТ-сыз грант алады. Сонымен қатар, жатақханадан орын және стипендия төленеді.

2023-2025 жылдар аралығында жүйеде барлығы 180 мыңнан астам әскери қызметші тіркелген. Соның ішінде "Көктем–2025" әскерге шақыру аясында 18 мыңнан астам адам грант алды.

Іріктеу кезінде білім гранттарын бөлу тәртібі:

қорғаныс министрлігі – 492 орын;

ұлттық ұлан – 493 орын;

ҰҚК шекара қызметі – 112;

төтенше жағдайлар министрлігі – 28 орын;

мемлекеттік күзет қызметі – 29 орын.