Астана әуежайында іркіліс болды не мәлім

Астана әуежайы маңында мобильді байланыс пен интернет жұмысында іркіліс болды. Бұған кернеудің ауытқуы себеп болған, деп хабарлайды Tengri Travel елорда әуе айлағының баспасөз қызметіне сілтеме жасап.

Әуежай мәліметінше, кернеудің ауытқуы "Астана АЭК" тарапында болған. Осыдан кейін әуе айлағы аумағында мобильді байланыс пен интернетте іркіліс басталды.

Бұл жағдай әуежай жұмысына еш әсер еткен жоқ.

"Әуежайдың барлық негізгі жүйесі штаттық режимде жұмыс істеп тұр. Бейнебақылау камералары мен навигация құралдары іркіліссіз қызмет көрсетіп жатыр. Ұшып келу және ұшып шығу рейстері кестеге сәйкес орындалып жатыр", - деп хабарлады баспасөз қызметі.

Сондай-ақ әуежай өкілдері бұл іркілістер ұшу қауіпсіздігіне ешқандай қауіп төндірмейтінін атап өтті.

Елордалық әуежай мәліметінше, ұшу қауіпсіздігі мен әуежай жұмысына төніп тұрған қауіп жоқ.

Тағы оқыңыз: Астана әуежайында негізсіз алым анықталды

Google News арқылы жаңалықтарымызды қадағалаңыз