Астана мен Алматыда президенттік кітапханалар бой көтереді

Астана мен Алматыда президенттік кітапханалардың құрылысы басталады.

Бұл нысандар тек кітаптар жиналған жер емес, қазақтың тарихын, мәдениеті мен өркениетін дәріптейтін орталық болуы керек. Ұлттық құрылтайда осылай деген Президент Абай, Әл-Фараби және Яссауи ілімдерінің маңызына да тоқталды. Оларды дәріптейтін ғылыми жиындарды тұрақты өткізіп тұру қажеттігін атады. Себебі басты міндет – халқымыздың баға жетпес қазынасы – ұлттық мұрасын сақтап, ұрпаққа табыстау, деді. 

ЦИТАТА

Қасым-Жомарт Тоқаев – Қазақстан Республикасының Президенті

Еліміздің гуманитарлық институттары ұлы ойшылдарымыздың ілімін жүйелі түрде насихаттағаны жөн. Басты міндет – халқымыздың баға жетпес қазынасы – ұлттық мұрасын сақтап, ұрпаққа табыстау. Осы ретте кейбір құрылтай мүшелерінің философия, әлеуметтану, саясаттану сияқты ғылымдарды дамыту және қоғамдық-саяси ой-пікірлер көптомдығын әзірлеу туралы ұсынысын атап өтуге болады. Сондай-ақ олар ғылыми мекемелердің зерттеулері онлайн платформа арқылы бәріне бірдей қолжетімді болуы керек екенін айтты.