Астана мен Атырауда бірінші болып келген сайлаушыларға сыйлық берілді

Sputnik.KZ парақшасындағы ақпаратқа сәйкес, Qazaq24.com хабар таратты..

АСТАНА, 23 тамыз – Sputnik. Астанада Құрылтай сайлауына бірінші болып келгендерге сыйлық таратылды, деп хабарлайды Sputnik Қазақстан әкімдіктің ресми сайтына сілтеме жасап.

Таңғы сағат 7:00-де ашылған сайлау учаскелеріне егде жастағы адамдар көп келді. Мүмкіндігі шектеулі азаматтар да өз таңдауын жасауға асықты. Оларды комиссия мүшелері қарсы алып, естелік сыйлықтарды табыстады.

Астанада бірінші болып келген сайлаушыларға сыйлық берілді

Өз учаскесіне бірінші болып келген сайлаушыларға тұрмыстық техника, ыдыс-аяқ, кеңсе заттары және тағы басқа қажетті заттар сыйға берілді.

Астанада барлығы 517 сайлау учаскесі ашылды. Құрылтай сайлауына байланысты Tarlan Astana жеңіл рельсті көлік жүйесінде, сондай-ақ қалалық, экспресс және қала маңындағы автобус бағыттарында жол жүру тегін.

Айта кетері, астаналықтар өздерінің сайлау учаскесін sailau.astana.kz веб-сервисі, @sailau_astana_bot Telegram-боты, 2GIS қосымшасы немесе 109 бірыңғай iKomek байланыс орталығы арқылы біле алады.

Сонымен қатар Атыраудағы №241 сайлау учаскесіне алғашқылардың бірі болып келген Айша Шакмановаға арнайы сыйлық табысталды. Ол таңсәріден учаскеге келіп, өз азаматтық таңдауын жасады.

Атырауда бірінші болып келген сайлаушыларға сыйлық берілді

"Әр сайлауға алғашқылардың бірі болып келуге тырысамын. Бұл мен үшін маңызды. Өйткені бүгінгі таңдауым – балаларымның, өзімнің және елімнің болашағы үшін маңызды", – дейді Айша Шакманова.

Алғашқы болып дауыс берген тұрғынға сыйлық табыстау – азаматтардың белсенділігін арттыруға бағытталған игі бастама.

Оқиғаларды жіберіп алмау үшін Qazaq24.com сайтынан ең өзекті жаңалықтарды қарап отырыңыз.