Астана Новосибирск рейсінде жолаушы қыз шу шығарды: видео

Астана – Новосибирск бағытындағы рейсте жолаушы шу шығарды, - деп хабарлайды Tengritravel.kz тілшісі.

Астана – Новосибирск бағытындағы рейсте жолаушы шу шығарды, - деп хабарлайды Tengritravel.kz тілшісі.

Куәгердің айтуынша, қазақстандық қыз рейсте бортсеріктермен жанжалдасып, балағат сөздер айтып, ұшақтың бағытын өзгертуге себеп бола жаздаған. Оқиға куәгері редакцияға видео жолдады.

Qazaq Air баспасөз қызметі мәліметінше, 20 қазанда рейс кезінде мас күйдегі жолаушыға қосымша ішімдік сатудан бас тартылған. Осыдан кейін жолаушы бортсеріктерге шабуыл жасаған. Ұшақ Новосибирск әуежайына қонғанда, оны полиция қызметкерлері күтіп алғаны айтылды.

Компания мұндай ереже бұзған жолаушылар шектеу қойылған тұлғалар тізіміне енгізілуі мүмкін екенін айтты. Сондай-ақ экипажға шабуыл жасау не ұшу қауіпсіздігіне қатер төндіру әкімшілік немесе қылмыстық жауапкершілікке әкелетінін еске салды.

Көлік полициясы 27 жастағы қазақстандыққа қатысты "Бұзақылық" бабы бойынша қылмыстық іс қозғалғанын хабарлады. Тергеу амалдары жүргізіліп жатыр.

Саяхат қызықтары мен пайдалы ақпаратты Instagram және Facebook парақшаларынан оқи аласыз!