Екатеринбург Астана рейсінде әскери киімдегі ер адам шу шығарды

Екатеринбургтен Астанаға бағыт алған ұшақ бортында әскери киімдегі ер адам 2017 жылы туған жас хоккейшілерге тиісіп, балағат сөздер айтып, өзін агрессивті ұстаған. Ол мас болған деген болжам бар. 

Оқиға туралы журналист Михаил Козачков Екатеринбургтегі жарыстан Астанаға оралған балалардың ата-аналарына сілтеме жасап хабарлады. Олардың айтуынша, ұшақ ішінде әскери киімдегі ер адам жас спортшылардың мазасын алған.

Ол балағат сөздер айтып, ату қимылдарын жасап, балаларға «сендер ұйықтап жатқанда, мен соғыстым» деген сөздермен тиіскен және төбелес шығаруға тырысқан. Бұзақыны бортсеріктер мен команда жаттықтырушысы әрең тыныштандырған.

Көліктегі полиция департаменті аталған деректің тіркелгенін және соған сәйкес тексеру жұмыстары жүргізіліп жатқанын растады.

Бүгін, 09:44